أني امك وطلبك حقي وارباي
اطلبك لبن صدري وسهر عيناي
يلكبر لا تخيّب فيك رجـاواي
ارباي اليوم اريده وانت وفـّاي
ابعزمك ارفع إلراسي يحمّـاي
وحقـق لي رجـا عمري ومُنْـياي
وقفت ومنها مدامعها على خدها تسيل
بيدي خل للموت اقدم يالولدروحك دليل
اريد اسمك ينكتب بالمعركه أول قتيل
في سبيل حسين ويـّا الدين من نسل الخليل
هز الرمح بيده وتقدم والسيف لاح ابحده الموت
وعرج اودع كل اخوته وبالمعركه ولن يسمع الصوت
حسين اعلى انصاره ينادي ابصوت الحزن وابقلب مفتوت
بين الجثث محتار واقف والصوت من الحزن مبهوت
رحتو وقضيتو إلي عليكم وفاز الذي ما فاته الفوت
لمن سمع لكبر صوت إمامه ينخي والدمع منه ايتهامه
ينادي وين انصاري النشامه
هز الرمح ياحي هالشهامه
ولاح الموت يقطر من حسامه
وقال الموت بانت له علامه- 1 -
لبيد الجيش ونكس اعلامه
اتقدم وقبل جبين حسين وابأيده الرمح
وبو اليمه من لفى له ابعينه لوليده شبح
بين اديك اليوم يابويه اريدن انذبح
خل اقدم لك ولائي دمي لمن ينسفح
ضمه الصدره وقال يبني انت شبيه النبي المختار
وابنظرتك يوليدي حمزه عمك يلوح النه يمغوار
وابصولتك بين الأعادي كنك علي جدك الكرار
اشلون اقدمك للهنادي وانت يعيني عمد هالدار
واشلون اتصور حياتي بعدك يظل الفكر محتار
لكن حسبتك عند محمد والتضحيه شيمة الأحرار
حمل عالقوم حملة جده حيدر
قطب بالكون وهي من حوله تفتر
كم حيد ابحسامه راسه طــــــــير
وكــــــم ادمـــوم منها ابسيفه طشر
ومن يصــــرخ عليها الله أكـــــــبر
يخــــز اقلــوبـــها وترتـــاع أكــــثر
وبكر ابن غانم تقدم غضب لاح ابنظرته
واخلو الميدان ليهم وابو اليمه ابخيمته
ينظر الحملت الأكبر لُمن ثار ابصولته
وطعن بن غانم وذبّه القاع ونكس رايته
وسدر لعند الخيم راجع وحسين شافه ونهض في الحال
ولمن قرب له فتح باعـه وضمه إلصدره ودمعه همال
نعمين يا شبل الهواشم يالْبيك ما ضاعت الآمال
قله طحنت اجيوش اميه وجيتك يبوبيه ابصيد لبطال
ولو يرتوي بالماي قلبي لفني جمعهم واطوي لاجال
ولا خلي فوق الأرض يدبي فارس ولا راجل ولا ارجال
اشلون حسين لمن شاف لكبر
على التربان من دمه امعفر
بسيوف الأعادي غده امطبر
وقع فوقه وصاح الله اكبر
وضع خده على خده وتزفر
على الدنيا العفى بعدك يلكبر
شبح بعيونه لبوه حسين ودموعه تسيل
شيل جسمي للخيم خليني يم خيّي العليل
وجيب لي قطرة اميه خل ابرد هالغليل
وظل اون ونه خفيه صارت اعيونه تميل
بطل ونينه وروحه فاضت وحسين شاله يم لخيام
وليله ابحزنها طلعت اتنوح وزينب ابحسره تلطم الهام
صارت الضجه وسط لطناب واتعالت ابآهات والام
وفوق الجسد ليله ابحزنها خرت ومنها الدمع سجام
اتنادي يبعد اهلي وسنادي ضيعتني ما بين ظلام
ترضى عقب عينك يغالي بين الاعادي غصب انضام
حسين الولد بل ريقه ابخاتم
وقال اتصبر وللظلم قاوم
بعد لحظات تشرب من الخاتم
جدك ياعلي امن الحوض لازم
ركب غوجه ودمع حسين ساجم
والى الموت اعتنه شاهر الصارم
وحاطت اعليه الأعادي ونزل يضربها ابعزم
ودار بيها الكون دوره اسيوف وارماح وزلم
هذا ايده باتريها وهذا راسه منهشـم
وهذا من رمحه ايتضور هذا بالبر منهزم
وثار الغبار وأظلم الكون ولكبر عليه الخيل تزحف
وامن الحرب والتعب قلبه اصبح ابنار العطش يرجف
وصابو الهامه وخر على القاع ودمه على الوجنات ينزف
دارو عليه اوزعونه اباشفارهم ويا لمثقف
وادركني نادى يبو اليمه وحيسن جاه ابقلب يلهف
وصل لعنده ودمعه هامل ورحه على اوليده ترفرف
3 محرم 1422هـ