الله أكبر من حمل لكبر على الجيمان
فرق جمعها ابحملته ياحي شبل عدنان
قحم عليها ابصولته وطبق على الميدان
فرت ولا تدري الدرب عن سيفه الفرسان
صار الرمح الزان يشرب دمه العدوان
إلبكر ابن غانم من برز والغضب بعيونه
وارث شجاعة حيدره بالحرب وافنونه
وباسه من حمزه القسوره كلهم يعرفونه
ولمن صرخ آنه علي الكرار اظنـونـه
إلكلهم يهابونه والموت اسمونه
إلبكر ابن غانم دوهنه وخز الرمح صدره
وكر وفصل راسه ورجع وحسين ينتظره
وصل يريد الجائزه ومنه القلب جـمـره
يابويه فطرني العطش اسقيني لو قـطـره
واحتار في أمره بو اليمه ونظره
وساعه ولن أمه تحن واتنظره بدمومه
واقع على حر الثرى امقطعينه بالحومه
وحسين فوقه ينتحب وانفلت اعزومه
انادي على الدنيه العفه والدمعه مسجومه
اشبيدي يوليدي من رحت من ايدي
ربيتك ابوسط القلب واعليك روحي توم
اعيوني امهادك والجفن للحاف ياجيدوم
يوليدي أبدا ما احسبت احساب هذا اليوم
راسك اشوفه منطبر وتفيض منه ادمـوم
يوليدي يامحروم ياضنوة المظلوم