عندي وصيه يبني يجسام

يبني إلك بالغاضريه يوم

اتشيع بيه اخبار ويا اعلوم

يوم اليظل عمك ابين القوم

حاير وقلبه امن الوجد مالوم

ردتك ضحيه يبني يجسام

يبني السعد و الغانمه بالطف

من تقبل اجيوش العده تزحف

دمك اريده امن النحر ينزف

وادمومك اخضابك تحني الكف

وتبقى رميه يبني يجسام

يبني عليك اعقدت آمالي

يبني اريد اسمي يظل عالي

من تقبل اعلى القوم يالغالي

نادي انا امن الحسن افعالي

وحطم اميه يبني يجسام

هذا الولد جاسم اسمع يا بواليمه

اوصيك بزفافه   خل حنته دمه

نادى الولد جاسم ودمعاته ذروفه

دمك اريد اتقدمه وتنزل الحوفه

والعرس ذاك الوقت لجل احسين عوفه

وانت الوحيد الي ابدمه تخْضب اجفوفه

وصد للعضيد اصيح اسمع يبو اليمه

ثوب العرس اكفان وخل حنته دمه

اتمنيت ياخويه اصير ابكربله اهناك

ولا تبقى وحدك يالأخو مابين اعداك

ومن تنظر الجاسم يخويه احسبني اوياك

نحره بدل نحري يخويه ويرفع الواك

خل ينذكر اسمي اسمع يبواليمه

شبل الحسن ثاير وخل حنته دمه