يابويه علي باقي هلي ابحالك اتفكر
أنساك بدماك بين العدى امحير
بويه ابدليلي امخزم اصوابك
امن اسمع اونينك اذكر إلصابك
بالغاضريه تنظر احبابك
صرعه بدماها اتزيّّد امصابك
بالناقه تنظر والدمع همال
وحسين شفته امقطع الأوصال
تنده يولي تمشي هلي وجسمك امطبر
بدماك بثراك يا ليت أتعفر
بويه انظرك ولا بيدي حيله
تنزف ادمومك ودمعي اسيله
طفلك وانظرك حاير دلييله
مدهوش باله اون طول ليله
اشحال إليعاين والده امأسر
امجرح بلقياد وادمومه تقطر
ينظر لهله ابكرب وبله ابهمه يتحسر
مهموم مظلوم والعبره تتكسر
يا هظم شفته وآني ابصغري
انظر إلعزي وخيمتي وذحري
ابرقبته امقيد والدمه يجري
اشوفني تايه وحاير ابأمري
مدهوش وانظر والدي المعلول
بالجامعه فوق الهزل مغلول
هل دمعه بدم قلبه ألم حسره يتضور
مجهود مصفود وادموعه تتحدر
يبني ارد اوصيك أقبل إليه
واسمع جوابي يبن الزكيه
كل إلجرى وصار بالغاضريه
وكل المآسي إلصدرت عليه
إنساها واذكر جدك العطشان
اذكر إلجسمه مرمي بالتربان
إذكر عطشه يغلي حشه جدك اتسعر
ظمآن عطشان واقليبه اتفطر
يوليدي أقضي ليلي ونهاري
اهمل ادموعي وما تطفه ناري
امن اذكر إلجدك والجسم عاري
محد يغسله والكفن ذاري
ظل جسمه عاري وما بقت بيه روح
مقطوع نحره وبالشمس مطروح
يا بني دمه نحره همه وخضب المنحر
من طاح برماح راسه عله يزهر