يا حسين يا حسين قم الينا قد اتينا
يخويه ابليلة احدعشر علي هوّد ظلام الليل
ابخوف وروعة الأطفال وحرم ظلت تحن بالويل
اطلعت يبن امي واتعثر ابهمي والدموع اتسيل
عن سكنه يالوالي ردت ابحث ولن يمك شفت
يم النحر طفله تحن مرميه والمنحر يون
وبفتحة المنحر تقبل جسم ابوها
وتنادي يعزي ترى بنتك سبوها
عن جسمك ابكسرة قلب شلت اليتيمه وانتحب
ويم الخيم جيت والدمع هامي
ولن اختك اتصيح ضاعت ايتامي
لمن شفتهم وزادت آلامي
ميتين يحسين والقلب ظامي
هالمصايب والبله بالحرم والعايله
حايره وصابره قم الينا قد اتينا
اريد البرقع الهودج وخله رايته نيشان
ترفرف من على راسي ابعزه تلوح ورفعة شان
احوط الناقه بيده السيف ابحدهاحدود خدر عدنان
خل ينظر إلحالي ويشوف بين العده دمعي ذروف
اركبوني فوق امهزلّه دنهض يراعي المرجله
ومن بلده لبلده يودني هديه
ومن رجسٍ الى رجس ادخلوني سبيه
وين المعزه والخدر ترضى ابكفوفي استتر
عاين امتوني وشصار بيها
وعاين اطفالي وشجرى اعليها
ضاع الفخر ضاع ابضيعة وليها
ضرب ومذله وامروعيها
كنت خدري والستر وكنت نوماس الفخر
بالألم والهظم قم إلينا قد أتينا
يخويه جيتك ابحملي إلعلى أكتافي ذبيته
عقب ما قطعو إلراسك ابرقبْتي خويه خليته
وحيده وثاكله وحرمه وكفيلي بالترب عفته
جيتك عقب ذل وهظم جيت اشتكي لك بالألم
ظهري يخويه منحني اشلون انسبي وزينب اني
ومن شمرٍ الى زجر ابصوت ويضربوني
ولو انتخي ابحيدر يخويه يشتموني
ابهاي الوضع طول الدرب يابن امي والحادي صعب
وبالكوفه والشام شاعت اخباري
وابكفي يحسين إلوجهي أداري
وارعى يتاماك وليهم اداري
وانظر عليلك والدمع جاري
ياخليصي والحمل جبته والقبرك وصل
بالدمع منفجع قم إلينا قد أتينا
يخويه جيتك واراسي اظن امن المصايب شاب
وظيم إلّي جرى اعليه يخويه اقليبي منه ذاب
بعد عينك ينور العين شافت عيني كم امصاب
ابمجلس يزيد الطاغيه ظلت دموعي هاميه
وراسك اشوفه ينضرب بالطشت وادمومه تصب
إبحد الخيزرانه غدى يضرب اشفافه
واعليلك ابحسره يهل دمعه وسافه
والعائله ابحالة جزع وسكنه القلب منها انفجع
وفرت رقيه من شافت الراس
بالطشت يزهي امكسر الأضراس
مدهوشه خرت وماعندها احساس
ويم راس ابوها غابت الأنفاس
خويه مني الراسِ شاب
من شفت هذا المصاب
يالولي منهو لي قم إلينا قد أتينا