خل الدمع بعدك يصب ولوتعمه عيني
ماتنشف اجروح القلب ولو تعمه عيني
يابويه وافراقك صعب خله الجفن بالدم يصب
لوتعمه عيني
بويه يانبع الحنان الدنيه من بعدك مظلمه
والسمه من ينخسف منها البدر تزداد عـتـمـه
والقلب من يفقد احبابـه ازيد اعليـه همـه
من اصد للدار اشوف ابكل كتر شخصك ورسمه
إلمحرابك ما أقدر اصد ينشلع قلبي
ومن اذكر ايام السعـد ينشلع قلبي
وابقلبي مدفون الجمر ودمعي إل اسحه يستعر
وينشلع قلبي
بويه يا جف إلعلينه اظلل ابهيـده وسكـينه
بويه هذا الليل اجانه ابوحشته واخيم علينـه
بويه وحشه الدار بعدك من بعد عينك حزينه
اذكر امي فاطمه واتمنى هالليله تجـيـنـه
اذكر إلأمي فاطـمه ويزداد همي
اهمي الدموع الساجمه ويزداد همي
اذكر الضلع إلي انكسر وهامك يبويه الي انطبر
ويزداد همي
بويه ظلمه الدنيه بعدك منهو لينه ياوليـنه
بويه ظلك بالمحن كا الخيمه ويظلل علـينه
جينه للكوفه ابمعزه واطلع ابذله وحزينـه
وينه جفك وينه ظلك هالعدى تشمت عليـنه
من بعد فقدك ياعلي اتعيد الشمات
للوطن نلفي ابلا ولي اتعيد الشامات
انعيد ابثوب الحداد وننشر على البيرق سواد
اتعيد الشامات