حسينا واحسين واغريـباه
اشلون انسى امصيبتك يابويه
من عفت جسمك فوق الترايب
ما نشف دمعي واقليبي ذايب
يابويه في طف كربله ظل قلبي وياك
وروحي يامظلوم يم جسمك اتحوم
ومن مشينه بالغصب ويا العده
ومن قطعنه البيد والحادي حده
وجثتك طلت يبويه امدده
دمعي ابدا فوق خدي ما هده
عالثرى عفناك بويه يابويه
اشلون انسى امصيبتك يابويه
اقلبي يابويه تنـزف ادمومك
وكل شي اشوفه اذكرني يومك
لوشفت بدر إلبسمه اذكر إلراسك
بالسمهريه ادمومه جريه
الماي آه الماي من آشوفههه
اتشفني لوعات الدهر واصروفه
كبـدتك اذّكر الملهوفه
وارد مني دمعتي مذروفه
اشلون اهنه ابشرب وانته عطشان
مرمي فوق الترب وانته عطشان
اشلون انسى امصيبتك يابويه
امن الغاضريه بالقلب جرحين
من سبي زينب ومن ذبح لحسين
وذاك البطل فوق النهر امقطعه اجفوفه
والراس نصين والسهم بالعين
وعلي الأكبر جثته امبضعينها
وجاسم اجفوفه ابدمه امحنينها
ولنصار اعلى الثرى معفرينها
والحراير هالعدى امسلبينها
فرت ابلا شعور من لظى النيران
وقلبه ظل يفورمن من لظى النيران
اشلون انسى امصيبتك يابويه
شفنا المآسي باليسر يحسين
وراسك اقبالي وصد لي بالعين
فوق الرمح مثل البدر يزهي ابجماله
من فوق لسنان يتلي القرآن
اعاين إلحالي واشوف اطفاله
اشوف زينب صارت ابيا حاله
ادموع عينه ابوجنته هماله
وضد عند زينب وهي تبرى له
ودم دمعها يسيح وتسكب العبره
تندبك يا ذبيـح وتسكب العبره
اشلون انسى امصيبتك يا بويه
طفله يابويه بالبر تاهت
وعنها الظعينه بالبر اشالت
وراسك على راس الرمح ينظر الحالي
اهيد إلحزني وليها يرشدني
وراسك ابهاي الوضع يالوالي
ابكل مآسينه اشوف احوالي
يحرس اظعوني وباري اعيالي
سلوتي ابهالسفر غيره مالي
راسك اعلى السنان للخلق آيه
ارتل احلى بيان للخلق آيه
اشلون انسى امصيبتك يابويه
24 محرم 1422هـ 18ابريل 2001م