وامصيبتاه وامحمداه
قتل الملاتضى حيدر
يالتناشدني ارد اخبرك بالجرى
دهري دولبني من بعد خير الورى
من غفت عين النبي ثارو علينه ابلا جرم
اتحالفت كل القوى وصبت حقده إليضطرم
وضلع من امي انكسر يوم جونه بالغدر
بالحقد قوم الكفر
وهذا يوم اكبر مصيبه يوم فقدك ياعلي ياحيدر
ودهري دولبني ومحني وصرت اصرخ ياعلي ياحيدر
بيك يفجعني زماني وكنت كهفي ياعلي ياحيدر
وكنت ظلي بالمهابه والمعزه يا علي ياحيدر
هذا جبرئيل نادى في عويل
قتل المرتضى حيدر
أشتكي وشكواي لعند جدي المصطفى
سيدي ومـولاي اعليك حالي ماخفى
أبكي وادموعي اهلها اعلى الوصي ابشهر الصيام
من دمه الهامه تخضب يوم صابه ابن اللئام
ابوسط محرابه انطبر وقع وادمومه تخر
وهذا ميعاد القدر
يارسول اااه وسمعنا من صرخ روح القدس ياحيدر
انهدم ركن الديانه والعلم منها انتكس
وغابت انوار الديانه من طفو نور الشمس
ابوسط محرابه الهامه صابها منه الرجس
دمعتي تسيل من بعد الكفيل
قتل المرتضى حيدر
من على المحراب شالو ابحامي الجار
وبدمـه لمصاب شالته اولاده للدار
واقبلت زينب ابهمّه وقلبها امن الفزع غاب
منهو هذا الحاملينه يخوتي ردو الجـواب
من شفت جرحه إليصب صحت والموقف صعب
يصب جرحك بالقلب
سوده بعيوني الدنيه من بعد عين العمد ياحيدر
من بعد ظلك أظل ابلا ولي مالي أحـد
اشلون يهنه لي العمر والعمر انته والسعد
انته روح إلبلكياني وانته نبض البلجسد
والوضع صعب من جرح القلب
قتل المرتضى حيدر
حاطو ابحيدر عيلته وكل لصحاب
وابقلب يسعر عصبو هامه المصاب
وظل على افراش المرض والسم يسرى بالجسد
وحوله ايتامه تمرضه وزينب اوياهم بـعد
وقفت ابدمع المصاب والقلب من عندها ذاب
بويه ياعالي الجناب
قمر كنك والقمر ميلوق له طور الخسف ياحيدر
قمر وامعصب جبينه ابهالوضع ما ينوصف
منهو شج راسك ابسيفه ونحل جسمك بالنزف
ليت عمـري قبل عمرك بالمنيه ينقـصف
بعدك ياعلي بويه منهو لي
قتل المرتضى حيدر
ارد اوصيكم قرب يولادي الأجل
هالعهد ليكم وللموالي يتصل
هالله هالله بالصلاه اهي الى الدين العمود
وبالصيام والزكاه وحفظو للباري الحـدود
وباليتيمه واليتيم لايمسهم ابد ضيم
واحفظو الذكر العظيم
وغربت عينه و ونييه اتقاصر ونادى الحسن ياحيدر
ليش يرشح بالعرق منك جبينك و البـدن
قال يبني الموت قرب والجمع ضج ابحـزن
وفارقت روحه وبنينه كلها من حوله تحـن
وضجه بالسمه ياحامي الحمه
قتل المرتى حيدر